Reckenger Chrëschtmaart

D'Gemeng Reckeng/Mess invitéiert zesummen mat de Veräiner aus der Gemeng op den Reckenger Chrëschtmaart. Lass geet et um 14.00 Auer. Aus zouverlässeger Quell wësse mir, dass de Kleeschen eis Butzen um 15 Auer besiche kënnt.

Bis 20 Auer kënnt dir iech vun eisen Aussteller hiren Kaddos-Iddien, Arrangementer, Holz- an Dekoratiounsartikelen, Bijouën, Stoffkreatiounen, Stéiluchten, Mandalaën, Häkelsachen, Bicher a villem méi inspiréieren loossen.

Kulinaresch verwinnen den B.C. Mess, d'Elterevereenegung (APERM), de Fiederball, d'Knéckeg Kueben, d'Pompjeeën Ehleng, de Radio Belle-Vallée an de Sport et Loisirs.

Musikalesch suergt de Quartett "Saxitude" fir déi richteg Ambiance.